УИХ-ын нэгдсэн чуулган өнөөдөр /2020.10.29/ хуралдлаа. “Түр хорооны бүрэлдэхүүнийг шинэчлэн батлах тухай” Улсын Их Хурлын тогтоолын төслийг хэлэлцэн баталлаа.

Хэлэлцүүлгийн үеэр УИХ-ын гишүүд асуулт асууж, санал хэллээ.

УИХ-ын гишүүн Ц.Даваасүрэн:

Эдийн засгийн сөрөг үр дагавруудыг эргэж харах хэрэгтэй байна. Одоогийн нүүрсний гаралтай экспортонд үүсч байгаа нөхцөл байдал ирэх жил мэдрэгдэж магадгүй. Экспортын орлогын 60-70 хувь нь нүүрс байгаа. Үүн дээр үнийн хүндрэлүүд үүснэ.

Гадаад харилцааны асуудал дээр анхаарахыг хүсэж байна. 21 хоног тусгаарладаг орон бол зөвхөн Монгол Улс байна. Бусад улсад 14 хоног тусгаарлаж байна. 21 хоног гэхээр хэн ч орж ирдэггүй. Гадаад харилцааны асуудал, томоохон төслүүд дээр энэ их нөлөөлж байна. Олон улсын нээлттэй тендер зарлахад гадныхан орж ирэх хэрэгтэй байдаг. Бизнесийн чиглэл дээр анхаарах хэрэгтэй байна. Энэ нь валютын ханш болон юмны өсөхөд нөлөөлнө. Шаардлагатай тохиолдолд тусгай буудалд хүлээж авч болохгүй юу? Гадаад ертөнцөөс бид тасарч болохгүй. Түр хорооныхон энэ тал дээр анхаарч өгнө үү?