10582
2019.12.18

Ц.Мөнх-Оргил: Нам эвсэл гэсэн заалтын санааг нь дэмжиж байгаа ч томьёолол нь биш байна

Улсын их хурлын өнөөдрийн \2019.12.18\ нэгдсэн хуралдаанаар Улсын Их Хурлын гишүүн Л.Энх-Амгалан, Ё.Баатарбилэг, Ж.Ганбаатар, Ж.Мөнхбат, Д.Оюунхорол, Б.Энх-Амгалан нарын зургаан гишүүн санаачлан боловсруулж, 2019 оны 12 дугаар сарын 02-ны өдөр өргөн мэдүүлсэн Улсын Их Хурлын сонгуулийн тухай  хуулийн төслийг хэлэлцэж байна.

Энэ үеэр УИХ-ын гишүүн Ц.Мөнх-Оргил

Аль нэг нам нь зардлаа дангаараа гаргаад нэр дэвшүүлээд, эсвэл өөр эвсэлд нэгдүүлээд явчих юм бол хориглоод ийм үйлдэл хийх юм бол эвсэл задарсанд тооцно гээд их ойлгомжтой заалт байгаа. Гэтэл одоо ингээд өөрчлөн найруулж орж ирж байгаа нь хориглоно гэчхээд ямар санкцтай юм ойлгомжгүй. Эцсийн хэлэлцүүлгийн үед засахгүй бол маргаан дагуулна. Санааг нь дэмжиж байгаа ч томьёолол нь биш байна. Эвсэл болж орж байгаагийн давуу тал нь иргэд эвсэлд санал өгч болж байгаа юм. Энэ ажлын хэсгийн санал биш шүү.