http 6
Ж.Эрдэнэбат: “Улстөрд нэр нөлөөтэй хүн” гэсэн шинэ нэр томъёо байна
2014.05.30
Хүний эрх

Гэмт хэргийн хуулийн төслийг хэлэлцлээ

Улсын Их Хурлын чуулганы өнөөдрийн /2014.05.29/ үдээс өмнөх нэгдсэн хуралдаанаар Гэмт хэргийн тухай болон холбогдох бусад хуулийн төслүүдийн хэлэлцэх эсэх асуудлыг хэлэлцэв.

Ингээд санал хураалтаар хуралдаанд оролцсон гишүүдийн олонх төслүүдийг хэлэлцэхийг дэмжлээ.

Ж.Эрдэнэбат: “Улстөрд нэр нөлөөтэй хүн” гэсэн шинэ нэр томъёо байна

“Өмнөх хуулийг шоронжсон гэдэг. Гэтэл энэ хуулийг хархад бүгд л хорих ялтай байна. Тэгэхээр энэ хуулийн энэ талын дэвшилтэд тал нь юу байна вэ?  Мөн энэ албадлага эрхшээлд автах тухай асуудлыг тодруулаач? Яаж хэрэгжих юм. Мөн зорчих эрхийг хязгаарлах гэсэн зүйл орж ирж. Энэ амьдрал дээр хэрэгжих боломжтой юу? Мөн нээлттэй хаалттай хорих анги гэсэн зүйл байна. Бусад хуульдаа энэ нэр томъёог оруулахгүй бол байхгүй байна. Мөн “Улстөрд нэр нөлөөтэй хүн” гэсэн шинэ нэр томъёо байна. Сэлэнгэ аймагт хууль бусаар мод бэлтгэх асуудал их байдаг. Энэ этгээдийг зорчих эсэхийг нь хориглоно гэж байна. Энэ юу гэсэн үг вэ? Ой мод руу орохыг нь хориглох гэж байгаа юмуу?

Л.Энх-Амгалан: Хувийн өмчид халдсан, хөрөнгө оруулах эрэх ашгийг хөндсөн хатуу заалт байна.

Энэ хуулиудын гол зарчим бол өнөөдрийн шоронжсон нийгэм халах, энэрэнгүй хууль гэж Та тайлбарлаж байгаа. Яг хуульч нартай ярилцахаар энэ хууль гэмт хэргийн төрөл, ангилал байхгүй болгож байгаа. Ингэж хүнд, хөнгөн гэдэг ангиллыг алга болгохоор гэмт хэргийн ял нь шүүгч, прокурорын үзэмжээр шийдэх болж байгаа юм биш биз дээ. Энэ хуулийн этгээдэд ял оноох хэсэг байна. Энэ чинь зах зээлийнхээ зарчмаас гажчихсан байна. Энэ хуульд Санаатай болон санамсаргүй үйлдлийн улмаас компанид хөрөнгө оруулсан хөрөнгө оруулагч хэрэгт татагдахад компанийг нь татан буулгаж, төрд авна гэсэн заалт байна. Энэ нь эсрэгээрээ хувийн өмчид халдсан, хөрөнгө оруулах эрх ашгийг хөндсөн хатуу заалт байна.

Х.Тэмүүжин: Хуулийн этгээдэд эрх ашгийн үүднээс шийдвэр гаргаад гаргасан шийдвэр нь гэмт хэрэг болж байгаа бол хуулийн этгээд өөрөө нь ял оноох ёстой. Тэгэхгүй болохоор шийдвэр гаргасан, хэрэгжүүлснийхэн төлөө, өөрөө хүсээгүй байхад нь хувь хүнийг яллаад, хорьж байгаа юм.

ШИНЭ МЭДЭЭ