10565
2020.08.25

М.Оюунчимэг: Алслагдсан хороодыг эрчим хүчээр тасралтгүй хангах нөхцөлийг бүрдүүлэх шаардлагатай байна

Улсын Их Хурлын Эдийн засгийн байнгын хорооны өнөөдрийн /2020.08.25/ хуралдаанаар Монгол Улсын Засгийн газрын 2020-2024 оны үйл ажиллагааны мөрийн хөтөлбөрийг батлах тухай УИХ-ын тогтоолын төслийг хэлэлцлээ. Тогтоолын төсөлтэй холбоотойгоор УИХ-ын гишүүд асуулт асууж, санал хэллээ.

УИХ-ын гишүүн М.Оюунчимэг:

“Эрчим хүчний сайдаас асууя. Намын мөрийн хөтөлбөрт нийслэл, алслагдсан дүүргүүдийг эрчим хүчинд холбож, гудамж талбайг их бүрэн гэрэлтүүлэгтэй болгох зорилт байгаа. Жишээлбэл Чингэлтэй дүүргийн 7-19 хороо нь хотын төвтэй маш ойр хэрнээ эрчим хүчний доголдолтой байна. Өнгөрсөн 4 жил тодорхой ажлууд хийгдэж, дэд төвүүд байгуулагдсан ч 46 мянган өрхийг хамарч байгаа. Гэтэл БЗД, СХД, Чингэлтэй гэсэн 70 орчим хувийг нь гэр хороолол эзэлдэг дүүргүүдэд дэ төвийг нэмж байгуулах, шугам сүлжээг татах, хангах шаардлагатай байна.”

Түүний асуултад Эрчим хүчний сайд Н.Тавинбэх хариуллаа.