Эдийн засгийн байнгын хорооны өнөөдрийн /2019.04.30/ хуралдаанаар Монгол Улсын эдийн засаг, нийгмийг 2018 онд хөгжүүлэх үндсэн чиглэлийн биелэлтийн тайланг хэлэлцэж байна.

УИХ-ын гишүүн Б.Баттөмөр:

Хэд хэдэн асуулт байна. Макро эдийн засгийн бодлогын хүрээнд арван гурван асуудал төлөвлөгдсөн байгаагаас тав нь бүрэн биелэж долоо нь хагас биелэлттэй гэсэн ийм дүн гарсан байна. Санхүүгийн зах зээлийн эрсдлийг бууруулах чиглэлээр ямар ажлууд хийгдсэн бэ?

Үндсэн чиглэлд 2018 онд 3 хууль оруулж ирнэ гэсэн. Үнэт цаасны тухай хууль, хөрөнгө оруулалтын сангийн тухай хууль, хөдөө аж ахуйн биржийн тухай хууль дээр өөрчлөлт хийнэ гэсэн 2018 онд алга байна.  2019 он гараад нилээд хугацаа өнгөрлөө энэ хуулиудад өөрчлөлт оруулах шаардлагагүй гэж үзсэн үү?

Урт хугацаанд юмыг сайн төлөвлөөд байна дунд хугацааны төлөвлөлт гэж ерөөсөө байхгүй байх шиг санагдаад байна. 2018 онд энэ урт хугацааны хөтөлбөрүүд дээр ямар ахиц дэвшил гарав.

Монгол улс хөгжлийнхөө бодлого төлөвлөлтийн асуудлыг эзэнгүй хаячихсан яваад байгаа юм ер нь цаашдаа энэ бодлого төлөвлөлтийн асуудлыг яаж хэн авч явах ёстой юм бэ?

Үндсэн чиглэлд оруулах асуудлаа бид маш тодорхой болгох шаардлагатай. Хийж, хэрэгжүүлж байгаа ажлуудыг харлуулж болохгүй.

Бид нэгнээ үнэлэхгүй байгаа ч олон улсын байгуулагаас гаргасан судалгаагаар Монгол улсыг үнэлсэн. Үндэсний хөгжлийн газар гэж байгууллагаас бид 3 жилийн хугацаанд олигтой юм хүлээгээд амжилт олсонгүй.