УИХ-ын гишүүн Ц.Даваасүрэн 2022 оны Төсвийн тодотголд Төрийн өмчит компаниудыг хувьчлах талаар яригдаж байна. Энэ бол сайн шийдвэр биш юм гэж өөрийн байр сууриа илэрхийлж олон нийтэд хандаж "live" хийлээ.

Үнийн өсөлттэй холбоотой төсөвт тодотгол хийж байгаа. үүн дотор хувьчлалын асуудал яригдаж байгаа юм. Иргэд үүнийг мэдэж байх хэрэгтэй. Иймд мэдээлэл өгөх, иргэдтэй санал хуваалцах зорилгоор мэдээлэл хийж байна. Уг нь энэ бол та бидний өмч. Олон нийтэд нээлттэй хувьчлал гэж ярьж байгаа ч яг олон нийт үүнийг худалдан авч чадах уу. Манай улсын гурван хүн тутмын нэг нь ядуу амьдарч байна. Нийгмээрээ ядуурсан хүмүүс хувьцаа авах уу. Монголын ард түмний социализмын үед бий болсон үйлдвэрүүдийг хувьчлах гээд байгаа юм. 2022 оны төсөвт хийх гэж байгаа тодотгол эдийн засгийн хямралын үед үнийн өсөлтийг бууруулах зорилготой. Гуя, дагаж хүзүү гэдэг шиг энэ хямралын үед 36 төрийн өмчийн компани 34 хүртэлх хувийн хувьчлах алхам хийх гэж байна.

Энэ бол буруу гэж би үзэж байгаа. Төрийн өмчийн компаниуд ашиггүй ажиллаж байна гэж үзэж байгаа юм. Гэтэл эрчим хүчний компаниуд байна. Үүн дотор Диспетчерийн үндэсний төв байгаа. Энэ төвийг хэзээ ч хувьчилж болохгүй, удирдлага зохицуулалт хийж байгаа газрыг хувьчилж болохгүй. Эрчим хүчний компаниуд 75 тэрбум төгрөгийн алдагдалтай ажилласан. Яагаад гэвэл үнийн төрөөс бариад байна. Ашигтай болгоно гэвэл үнэ нэмэгдэнэ. Ахиц гарахгүй. Төр үнийн барьж байгаа учраас энэ компаниудад буруу байхгүй. Олон нийтэд нээлттэй хувьчлахад хагартлаа баяжсан олигархууд л авна. 

Сэтгүүлч

Сэтгүүлч Ц.Соёлмаа soyolmaa@vip76.mn