2021.06.23

С.Чинзориг: Кино урлагийг дэмжих сангийн зарцуулалтыг нарийвчлан тодорхойлох хэрэгтэй

УИХ-ын Боловсрол, соёл, шинжлэх ухаан, спортын байнгын хорооны хуралдаан өнөөдөр /2021.06.23/ боллоо. Хуралдаанаар Кино урлагийг дэмжих тухай хуулийн төсөл болон хамт өргөн мэдүүлсэн хуулийн төслүүдийн анхны хэлэлцүүлгийг хийлээ.

Хуулийн төсөлтэй холбогдуулан УИХ-ын гишүүд асуулт асууж, санал хэллээ.

УИХ-ын гишүүн С.Чинзориг:

"Хуулийн зорилт нь Кино үйлдвэрлэлтэй холбоотой эрх зүйн үндсийг бүрдүүлэх, Монгол Улсаөд кино бүтээх таатай орчин бий болгох, кино урлагийг төрөөс дэмжихэд холбогдсон харилцааг зохицуулна гэсэн байна. Ингэхээр кино үйлдвэрлэх, бүтээхтэй холбоотой зохицуулалт л байна. Цаашид олон түмэнд түгээх хүргэх асуудал зохицуулагдахгүй юм уу? Үүнийг өөр ямар хуулиар зохицуулах вэ?

Кино урлагийг дэмжих сангийн зарцуулалтыг би гайхаад байна. Эргэн төлөх нөхцөлгүй олгох санхүүжилт, эргэн төлөх нөхцөлтэй зээл олгох гэж ангилсан байна. Үүнийг илүү тодорхой болгохгүй бол 13.1.1-ээр хийгдсэн кино бүр эргэн төлөх нөхцөлгүйгээр санхүүжилт авна гэж үзнэ. Тиймээс сонгон шалгаруулах ч юм уу нэг арга замыг тодорхойгүй байлгаж болохгүй. Одоо ч кино хийхэд нэг өдөр л хэрэгтэй шахуу болчихсон байна.

Олон улсын кино наадамд өрсөлдөх зорилготой, найруулагчийн бүтээлч чанар, гоо зүйн үнэлэмж, үзэл бодлын илэрхийллийг харуулсан киног төрөөс санхүүжүүлнэ гэдгийг ойлгохгүй байна. Үүнийгээ тодруулах уу?

Гадаадын орчуулгын бүтээлүүд олширч байгаа. Үүнд хязгаарлалт тавих асуудалд анхаарч байгаа юу?"

Түүний асуултанд Соёлын сайд Ч.Номин хариуллаа. 

Сэтгүүлч

Редактор Ц.Соёлмаа soko@vip76.mn