2020.04.28

Н.Амарзаяа: Өрсөлдөх чадварыг нэмэгдүүлэх зорилтот хөтөлбөрийг оруулж ирэх хэрэгтэй

УИХ-ын Төрийн байгуулалтын байнгын хорооны өнөөдрийн /2020.04.27/ хуралдаанаар Хөгжлийн бодлого, төлөвлөлт, түүний удирдлагын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд /Улсын Их Хурлын гишүүн С.Бямбацогт нарын 14 гишүүн 2020.04.08-ны өдөр өргөн мэдүүлсэн, анхны хэлэлцүүлэг/; хийлээ.

Энэ үеэр УИХ-ын гишүүн Н.Амарзаяа

Хөгжлийн бодлого, төлөвлөлт, түүний удирдлагын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн хэлэлцэх эсэх асуудлаар төрийн байгуулалтын байнгын хороон дээр саналаа илэрхийлсэн. Сая ажлын хэсгийн мэдээллийг харахад энэ асуудал тусгагдаагүй байна. Байнгын хороо болон их хурлын чуулган дээр хэлсэн гишүүдийн үгийг ажлын хэсэг ямар төвшинд тусгаж дэмжих зорилгоор оруулдаг вэ?

Хөгжлийн бодлого төлөвлөлтийн тухай хуулийг харахад зөвхөн төр талаасаа асуудалд хандсан байна. Төр хувийн хэвшлийн түншлэлийг зохистойгоор хангах гэдэг дээр их дээд сургууль эрдэм шинжилгээний байгууллага гэж нэммээр байна. Мөн оролцогч талуудын оролцоог хангах гэдэг асуудал дээр манай улсын хувьд салангид байгаад байгаа. Эдгээрийг нэгтгэх асуудал энэ хуулиар бий болно гэж бодож байна. 

Өрсөлдөх чадварыг нэмэгдүүлэх зорилтот хөтөлбөр гэдэг асуудлыг оруулж ирмээр байна. Дэлхийн зах зээлд өрсөлдөх чадварыг нэмэгдүүлэхэд зорилтод хөгжлийн хөтөлбөрүүдийг бодлогоор нэгтгэх шаардлагатай. Бизнесийн салбарыг дэмжих үүнийгээ хөгжлийн бодлогтоо тусгах хэрэгтэй.

Түүний асуултад УИХ-ын гишүүн Л.Энх-Амгалан хариуллаа.