2023.06.08

Ж.Сүхбаатар: Гүйцэтгэх ажиллагаа хяналтаас гарч байгааг анхаарах хэрэгтэй

Монгол Улсын Их хурлын 2023,06,08/-ны өдрийн хуралдаанаар Монгол Улсын Үндсэн хуулийн цэцийн 2023 оны 02 дугаар дүгнэлтийг сонслоо

Хэлэлцэж буй асуудалтай холбогдуулан гишүүд асуулт асууж, байр сууриа илэрхийлэв.

УИХ-ын гишүүн Ж.Сүхбаатар:

Би саналаа хүлээн зөвшөөрөх боломжгүйгээр өгчихсөн. Үүнийг тайлбарлая. Хоёр талтай. Нэг талаас иргэдийн өөрийгөө хамгаалах боломж, эрхийн асуудал программ хангамж, тоног төхөөрөмж дээр ямар байх уу нөгөө талд гүйцэтгэх ажил явуулдаг ялангуяа тагнуулын байгууллагын үйл ажиллагаа гадны тагнан турших үйл ажиллагааны эсрэг үндэсний аюулгүй байдлыг хангах чиглэлээр хийх гэж буй ажил хоёрын хоорондын огтлолцол тодорхой хэмжээний зөрчилдөөн үүсээд байна.

Өчигдөр процессын талаар хаалттай хуралдсан. Холбогдох хүмүүс, аюулгүйн чиглэлийн яриаг сонссон. Энэ заалтыг зөрчснөөр нь явчихвал Үндэсний аюулгүй байдлын чадамж сулрах, үйл ажиллагаа явуулахад хүндрэл учрах магадлалтай байна гэдгээ тайлбарлаад буй. Миний хувьд хүний эрх хамгаалах талаасаа зохицуулалтууд шаардлагатай гэж үзэж байгаа. Ялангуяа манай гүйцэтгэх ажилтнуудад тавьж байгаа хяналт, шалгалт нь тагнуул, авлигатай тэмцэх газар, шүүхийн шийдвэр, цагдаагийн байгууллагад хангалтгүй байгаа санагддаг. Тухайлбал хууль тогтоогч хуульч хүний хувьд харахад хэвлэл мэдээллийн байгууллага дээр гүйцэтгэх ажилтнуудтай холбоо тогтоосон байж болзошгүй байдлын мэдээлэл сүүлийн үед их гарч байгаа. Нууц биш шүү дээ.

Сэтгүүлч нартай хамтран ажиллаж байна. Мэдээллээ зарж, шантаажилж байна. Энэ нь цаашдаа гүйцэтгэх ажил хяналтаас гарахыг илэрхий хараад байгаа нь хэдий хүртэл үргэлжлэх юм бэ гэдэг асуудал яригдаж байгаа. Зарим нэг иргэд өөрсдийгөө хамгаалах нэрийдлээр өндөр үнэтэй, тусгай хэрэгслүүдийг авч ашиглах байдал сонгуулийн үеэр бусад үед ч гэсэн бусдыг тагнан чагнах ажиллагаануудыг явуулаад байна гэдэг асуудал бий.

Парламентыг элдвээр хэлсээр байгаад парламентын хяналт, шалгалтыг үгүйсгэх оролдлогыг сүүлийн үед эрчимтэй хийж байгаа. Ард түмнийг Их Хурлын гишүүн биш би төлөөлж байгаа. Ард түмний өмнөөс би хяналт тавина гэдэг ойлголт руу яваад байна. Хуулиар хэчнээн муу хэлсэн ч сонгуулиар гарч ирсэн УИХ-ын гишүүн ард түмнийг төлөөлдөг эрхтэй. Тэр хэмжээгээрээ мандатаараа бусдад хяналт тавих эрхээ шилжүүлж болохгүй. Үүнийг хүлээж авсан ч гэсэн Энх-Амгалан даргын хэлээд байгаа гүйцэтгэх ажлын хуулийг шинэчлэх шаардлагатай.