Баянзүрх дүүргээс Жуковын талбай, Сансарын тунел, Тэнгэр плаза, Шархад орчим гээд нийт 4 байршилд хүнсний ногоо худалддаг тариаланчдаа дэмжих зорилгоор үзэсгэлэнг зохион байгуулж байна.

Энэхүү үзэсгэлэнгийн гол зорилго нь тариаланчид түрээсийн мөнгө төлөхгүй, ченж дамжиж үнэ нэмэлгүй хямд үнээр эрүүл ахуйн шаардлага хангасан хүнсний бүтээгдэхүүнийг иргэдэд худалдан борлуулахад оршиж байгаа юм. Үүнд худалдан авагч, хэрэглэгчид мөн сэтгэл хангалуун байна.

Үнийн хувьд төмс нэг кг нь 1300-1500 төгрөг, байцаа 1300-1500 төгрөг, Монгол огурци 2500, тарвас 2000 төгрөгөөр тус тус худалдаалагдаж байна.

Үзэсгэлэнд нэгдэж, өөрийн чанартай, эрүүл ахуйн шаардлага хангасан бүтээгэхдүүнээ борлуулахыг хүссэн хүн бүр дүүргийн Хүнс, худалдаа үйлчилгээний хэлтэст хандаж оролцох боломжтой аж.