БОАЖ-ын сайд "Таван толгой түлш" ХХК-ийн Зүүн үйлдвэрт ажиллалаа.

Өвөлжилтийн бэлгэл хангах ажлын хүрээнд сайжруулсан шахмал түлшний нөөц хэмжээг 200000 тн-д хүргэх, ажлын уялдаа холбоог хангах ажлын хэсэг өмнө өгсөн үүрэг даалгаврын биелэлтийг шалгав. 

Энэ үеэр “Таван толгой түлш” ХХК-ийн ажилчдаас гарсан хөдөлмөрийн нөхцөлтэй холбоотой асуудлаар хөдөлмөрийн дүгнэлт гаргахаар  Хөдөлмөр, Нийгмийн Хамгааллын Яамны холбогдох албан тушаалтнууд ажиллалаа.

Өнөөдрийн байдлаар сайжруулсан түлш 75000тн нөөцтэй, мидлинг 115000тн нөөцтэй байна.

Түүнчлэн Монгол Улсын Шадар сайд С.Амарсайхан  үйлдвэр болон үйлдвэрлэл, түлшний стандартыг байнга хянаж байх үүргийг Нийслэлийн Мэргэжлийн Хяналтын газар Налайх дүүргийн мэргэжлийн хяналтын газарт өгсний дагуу ажлын биелэлтийг шалгав.

Налайх дүүргийг хангах сайжруулсан шахмал түлш нөөцлөх агуулах бэлэн болжээ. Ингэснээр ирэх 7 хоногийн 1 дэх өдрөөс агуулахад хадгалж эхэлнэ.