Байгаль орчин, хүнс хөдөө аж ахуйн байнгын хорооны хуралдаан өнөөдөр /2021.12.15/ боллоо. Хурлаар /“Улсын тусгай хамгаалалттай газрын ангиллыг шинэчлэн тогтоох тухай” Ажлын хэсэг байгуулах талаар хэлэлцлээ.

Хэлэлцэж буй асуудалтай холбогдуулан УИХ-ын гишүүд асуулт асууж, санал хэллээ.

УИХ-ын гишүүн Б.Бейсен:

Тусгай хамгаалалтай газрын асуудлаас болж нэлээн маргаан гардаг. Цаашлаад хүн амины хэрэг гарах ч нөхцөл бүрдэх эрсдэл үүсээд буй. Тусгай хамгаалалттай газар нутгийг харьяа аймагт хариуцуулж өгмөөр байна. Харьяаллыг буруу аймагт шилжүүлснээс үүдэж Засаг захиргаа, нутаг дэвсгэр түүний нэгжийн тухай хуулийг нөцтой зөрчиж  байна.