2021.10.20

Б.Энх-Амгалан: Олон улсын төсөл хөтөлбөр дээр ажилладаг арга барилаа сайжруулах хэрэгтэй

ЭЗБХ-ны өнөөдрийн \2021.10.20\ нэгдсэн хуралдаанаар Улсын Их Хурлын гишүүн Г.Дамдиннямаас ирүүлсэн “ДарханУлаанбаатар хоорондын автозамын асуудлаар мэдээлэл сонсох тухай” асуултын хариуг сонслоо. 

УИХ-ын гишүүн Б.Энх-Амгалан: 

Тайлбарлахдаа зөв тайлбарлах хэрэгтэй. Азийн хөгжлийн банкны шалгаруулалтыг та нар хийж чадаагүй. 2018 оны 9-р сард засгийн газар энэ гэрээг байгуулсан. 2019 оны 3-р сард УИХ-аас батлагдсан. 2019 оны 7-р сард ажил эхэлсэн. Тухайн сарын сүүлээр сонгон шалгаруулсан. 

Азийн хөгжлийн банкны олон улсад хэрэгжүүлдэг төсөл хөтөлбөрийн журам энэ байна. Үүний дагуу шалгаруулаарай гэж та нарт өгсөн. Танай яаманд тэр Азийн хөгжлийн банкны сонгон шалгаруулалтыг хариуцсан хүүхэн ирсэн. Азийн хөгжлийн банкны суурин төлөөлөгч нь шалгаруулалтаа журмын дагуу явуул гэж шахсан. 

Босго нь өндөр болоод Монгол компани орж чадаагүй. Үүнийг та нар хэлэх хэрэгтэй. Тэгээд бид нар шалгаруулж чадахгүй байна гэж. Өвөрхангай зам дээр ч гэсэн ийм асуудал байсан. Нэгхэн жилийн дотор 126 км зам тавьсан. 800 ажилтантай 32 үйлдвэртэй Макс роүд компани шууд хийх боломжтой байна гэхэд шахсаар байгаад Баян- Өлгийд байсан хятад компанийг оруулсан. 

Энэ нөхцөл байдлаа та нар хэл. Зам тээврийн яамныхан гэж хэдэн авилгачид, төсөл хөтөлбөр иддэг хүмүүс гэж нийгэмд өөр ойлголт төрүүлээд байна. Хятадууд ажлаа хийгээгүй. Ажлыг нь Монголчууд хийсэн. Ажлаа хийхгүй байхаар нь очоод хэлэхээр тэгвэл наад төслийг чинь тэр чигт нь цуцална гэсэн. Тэр протоколоо гаргаж ирээч. Азийн хөгжлийн банктай таван удаа уулзсан. Үнэнийг нь хэл. 

Азийн хөгжлийн банк, Европын сэргээн босголтын банк хоёрын хооронд ажлын явц ямар байна вэ? Хучилтын зузаан ялгаатай байгаа гэж байна. Үүнийг хэрхэн шийдэх гэж байна уу? 

Зөвлөх компани юу хийж байна вэ? Зөвлөх биш цэвэрлэдэг, хавчдаг компани болоод байна гэж мэдээлэл ирсэн. Яам зөвлөх компани хоорондын харилцаа ямар байна вэ? Үнэндээ Монгол замчид зам барьж байгаа. Хятадууд ажиллахгүй байгаа шүү. 

Хийсэн ажлын мөнгийг нь өгөхгүй байна гэж байна. Энэ үнэн үү? Шалгаан нь юу вэ? 1,3,5-ын ажил дуусаж байна гэнэ. 2,4-ийн ажилд дахиад China choi компани орох гэж байна гэж үнэн үү? 5-р замыг энэ байгууллага хийгээгүй. Азийн хөгжлийн банз оруулах гээд байгаа юм уу? Зөвлөх компани ингэж зөвлөөд байгаа юм уу? 

Түүний асуултад ЗТХ-ийн сайд Л.Халтар болон ажлын хэсэг  хариулав.