2021.08.28

УИХ-ын гишүүн Н.Наранбаатар тойрогтоо хийгдэж буй бүтээн байгуулалтын ажлуудтай танилцлаа

УИХ-ын гишүүн Н.Наранбаатар тойрогтоо ажиллаж, тойргийнхоо иргэдэд тулгамдаж буй асуудлуудыг сонсож, газар дээр нь биечлэн очиж танилцах, аймагт хийгдэж буй бүтээн байгуулалтын ажлуудтай танилцаж буй билээ. 

Тэрээр Цагаандэл уулын боомт, замын асуудлаар Номгон сумын малчид, иргэдтэй уулзаж, санал хүсэлтийг нь сонссон.  

Хоёр аймаг, хоёр улсын гэрээ хэлэлцээрийг үндэслэн Засгийн газрын 2014 оны тогтоолоор Цагаан дэлийн боомт нээх шийдвэр гарсан байдаг. Үүнийг иргэд эсэргүүцэж, санал хүсэлтээ хэлж байгаа бөгөөд нутгийн иргэд, сонгогчдын хүсэлтийг Засгийн газарт уламжилж тэдний эрх ашиг, унаган байгалаа хамгаалахын төлөө ажиллана гэдгээ УИХ-ын гишүүн Н.Наранбаатар мэдэгдлээ.