Улсын аварга тариаланч хамт олонд шагналыг нь гардууллаа
2023.02.16
Орон нутгийн хөгжил

Улсын аварга тариаланч хамт олонд шагналыг нь гардууллаа

Улсын аварга тариаланч хамт олноор шалгарсан Төв аймгийн Аргалант сумын "Хос бэрс" ХХК-ийн хамт олонд шагналыг нь гардууллаа.

Удам дамжсан тариаланч Н.Сүхбаатар захиралтай "Хос бэрс" ХХК нь 2009 оноос хойш газар тариалангийн үйлдвэрлэл эрхэлж, сүүлийн 3 жилийн дунджаар 2000 га эргэлтийн талбайд 1250-1800 га-д улаан буудай, таримал тэжээл тариалж, нэгжээс 12-14 цн улаан буудай, 3 тн тэжээл тогтмол хураан авсан өндөр амжилт үзүүлсний зэрэгцээ 25-29 иргэдийг ажлын байраар ханган ажиллаж байна.

Газар тариалангийн салбарт олон жил тогтвортой үр бүтээлтэй ажиллаж, эрчимжсэн мал аж ахуйг хослуулан хөгжүүлж байгаа хөдөлмөр зүтгэлээ төрдөө үнэлүүлсэн "Хос бэрс" ХХК-ийн хамт олонд баяр хүргэж, айлчлан ирж буй харагчин туулай жилд арвин их ургацтай, амжилт бүтээлээр дүүрэн байхын өлзийтэй ерөөл өргөе.

ШИНЭ МЭДЭЭ