Хэрлэн сумын хоёрдугаар багийн 40 гаруй малчдыг хүлээн авч уулзлаа
2022.10.17
Орон нутгийн хөгжил

Хэрлэн сумын хоёрдугаар багийн 40 гаруй малчдыг хүлээн авч уулзлаа

Хэнтий аймгийн Хэрлэн сумын Хоёрдугаар багийн малчдын төлөөллийг УИХ-ын гишүүн Ц.Идэрбат, УИХ-ын гишүүн, Монгол Улсын сайд, Олимп, нийтийн биеийн тамир, спортын Үндэсний хорооны дарга Б.Бат-Эрдэнэ, МУ-ын Ерөнхий сайдын зөвлөх, аймгийн ИТХ-ын төлөөлөгч Д.Амгаланбаатар нар Төрийн ордонд хүлээн авч уулзаж, дурсгалын зураг татууллаа.

Хэрлэн сумын хоёрдугаар багийн Засаг дарга Б.Хүрэлзүрх, аймгийн ИТХ-д тус багаас сонгогдсон төлөөлөгч Д.Амгаланбаатар, Б.Энх-Эрдэнэ, Л.Батсайхан нар малчид, иргэдээ удирдан зохион байгуулж ийнхүү нийслэл хотод урин авчирчээ.

Уулзалтаар УИХ-ын үйл ажиллагаа, Хэнтий аймгийн төсөв, Засгийн газраас спорт, нийтийн биеийн тамирын талаар баримталж буй бодлого, МУ-ын Ерөнхий сайдын хэрэгжүүлж буй онцлог ажил, Хөдөө аж ахуй, малчид руу чиглэсэн төрөөс авч буй арга хэмжээний талаар мэдээлэл өгсөн байна.

Мөн УИХ-ын гишүүдийн нэгдсэн ажлын албанаас МУ-ын урт хугацааны хөгжлийн бодлогын баримт бичгийг хураангуйлан бичсэн "Азийн Хүлэг Улс: Алсын хараа-2050” номыг хүрэлцэн ирсэн малчдадаа дурсгалаа.

ШИНЭ МЭДЭЭ