2022.05.24
Уул уурхай, Ашигт малтмал
Т.Аубакир: Нөхөн сэргээлтийг мэргэжлийн байгууллагаар хийлгэх боломжтой юу
УИХ-ын Аюулгүй байдал, гадаад бодлогын байнгын хорооны /2022,05,24/-ны өдрийн хуралдаанаар Монгол Улсын Засгийн газарт чиглэл өгөх тухай Байнгын хорооны тогтоолын төслийг хэлэлцлээ.
Хэлэлцэж буй асуудалтай холбогдуулан гишүүд асуулт асуулаа.
УИХ-ын гишүүн Т.Аубакир:
Энэ хуулийн төслийг дэмжиж байгаа. Мэргэжлийн байгууллагууд өмнө нь 1 га -талбайд нөхөн сэргээлт хийхдээ 699 мянга төгрөгөөр хийдэг байсан бол одоо 1,2 сая төгрөг болсон. Үйлдвэрлэлийн огтлол хийдэг компани нөхөн сэргээлтээ давхар хариуцдаг. Гэтэл энэ байгууллага өөрөө нөхөн сэргээх чиг үүрэг бүхий байгууллага биш зөвхөн үйлдвэрлэлийн огтлол хийдэг нөхөн сэргээх мэргэжлийн бус байгууллага. Тэгэхээр 1 га талбайд нөхөн сэргээлт хийх 1.2 сая төгрөгийг орон нутаг, ойн агентлагт төвлөрүүлж байгаад нөхөн сэргээлтийн мэргэжлийн байгууллагаар хийлгэх боломж бий юу?
Яагаад энэ асуултыг асууж байна гэхээр үйлдвэрлэлийн огтлолт хийдэг байгууллагын суулгасан суулгацын 70,80 хувь нь буцаан сэргэж байна уу гэдэг эргэлзээтэй. Ойгоо огтолдог, га талбайд бодож нөхөн сэргээлтээ хийгээд орхидог. Тиймээс нөхөн сэргээлтийн мөнгийг төвлөрүүлж байгаад суулгац, үржүүлгийн мэргэжлийн газраар хийлгэх бололцоо бий юу? Улсын хэмжээнд 2,5 тэрбум төгрөгийг огтлол хийснийхээ төлөө нөхөн сэргээлтийн зардалд ашигладаг.
Түүний асуултад ажлын хэсгийн гишүүд хариуллаа.