МОНГОЛ УЛСЫН ИХ ХУРЛЫН ГИШҮҮН

Г.Дамдинням: Эрүүгийн хэрэгт холбогдсон тамирчны урамшууллыг зогсоож, буцаан төлүүлэх ёстой
2021.12.22
Боловсрол, Соёл, Шинжлэх Ухаан, Урлаг

Г.Дамдинням: Эрүүгийн хэрэгт холбогдсон тамирчны урамшууллыг зогсоож, буцаан төлүүлэх ёстой

Олон улсын тэмцээн, олимпын наадамд амжилт гаргасан тамирчдад сар бүр 500 000-4 000 000 төгрөгийн урамшуулал олгодог. Насан туршид нь олгодог энэ урамшууллын журманд өөрчлөлт оруулах шаардлагатай гэсэн байр суурийг УИХ-ын гишүүн Г.Дамдинням илэрхийлж байна. Тэрбээр

"Засгийн газрын журмаар олимп, дэлхийн тэмцээнд амжилт гаргасан тамирчин эрүүгийн хэрэг гэмт хэрэг үйлдсэн ч урамшууллаа насан туршдаа авах зохицуулалттай байгаа. Зөвхөн сэргээшийн асуудалд холбогдсон тохиолдолд энэ урамшууллыг олгохгүй гэсэн заалттай. Ийм зохицуулалт байж болохгүй.

УИХ, Засгийн газар татвар төлөгчдийн мөнгийг зарцуулж байгаа. Татвар төлөгчдийн мөнгийг хариуцлагагүй хүмүүст өгч болохгүй. Олон сайн тамирчин, дасгалжуулагч, холбоод байгаа. Гэхдээ нэг үхрийн эвэр доргиход мянган үхрийн доргино гэгчээр спортын салбарынхан та бүхэн өөрсдөө нэр хүндээ унагааж байгаа.

Олимп, дэлхийн тэмцээнд амжилт гаргасан тамирчдад олгодог насан туршийн урамшууллын дүрэм журмыг өөрчлөх хэрэгтэй. Ингэхдээ хоёр зарчим барих ёстой. Нэгдүгээрт, олон хүнд хүртээмжтэй байх. Хоёрдугаарт, тамирчдын нийгэмд үзүүлж байгаа үлгэр дууриалалтай уяж холбох шаардлагатай.

Эрүүгийн гэмт хэрэгт холбогдсон бол урамшууллыг зогсоож, буцааж нөхөн төлүүлдэг болох ёстой. Ингэхгүй бол татвар төлөгчдийн мөнгө хэтэрхий шившигтэй зүйлд зарцуулагдаж байна”

гэсэн байр суурийг илэрхийлж, БТСУХ, Засгийн газар, холбогдох байгууллагууд урамшууллын журмыг өөрчлөхөд анхаарч ажиллахыг хүслээ.

Тамирчдад сар бүр олгодог урамшууллын хэмжээ

1. Олимпийн наадмаас алтан медаль хүртсэн тамирчинд 4 сая төгрөг

2. Олимпийн наадмаас мөнгөн медаль хүртсэн тамирчинд 3 сая төгрөг

3. Олимпийн наадмаас хүрэл медаль хүртсэн тамирчинд 2 сая төгрөг

4. Дэлхийн аварга шалгаруулах тэмцээнээс олимпийн спортын зай, жинд алтан медаль хүртсэн тамирчинд 2 сая төгрөг

5. Дэлхийн аварга шалгаруулах тэмцээнээс олимпийн спортын зай, жинд мөнгөн медаль хүртсэн тамирчинд 1 сая төгрөг

6. Дэлхийн аварга шалгаруулах тэмцээнээс олимпийн спортын зай, жинд хүрэл медаль хүртсэн тамирчинд 500 мянган төгрөгийн урамшууллыг олгож байна.

Б.Хэрлэн

ШИНЭ МЭДЭЭ

Хуучин Дарханы спорт цогцолбор ашиглалтад орлоо 2022.12.30
“Холимог металлын ордууд, тэдгээрийн ашиглалт”-ын талаар Уул уурхай, хүнд үйлдвэрийн сайд мэдээлэл хийлээ 2022.12.28
Уурхайчдын баярын мэнд дэвшүүлье! 2022.12.26
Г.Дамдинням: Эрдэнэс Тавантолгой компанийг олон нийтэд нээлттэй болгох чиглэлд ямар ажил хийгдэж байна вэ? 2022.12.22
Үйлдвэржилтийн бодлогын байнгын хороо тогтоолын төслийг санаачлагчид нь буцаах нь зүйтэй гэж үзлээ 2022.12.21
Г.Дамдинням: "Эрдэнэс Тавантолгой ХК"-ны 2023 оны 4.2 их наяд төгрөгийн хөрөнгө оруулалтын төсвийг ард түмний мандатгүй хэдхэн хүн баталж байна 2022.12.16
УИХ-ын гишүүн Г.Дамдинням тойрогтоо ажиллаж байна 2022.12.14
Дархан-Уул аймаг дахь Анагаах Ухааны сургуулийн удирдлагууд, оюутан залуустай уулзлаа 2022.12.14
Геодези, зураг зүйн тухай хуулийн шинэчилсэн найруулгын төслийг хэлэлцэхийг дэмжиж, Байнгын хорооны тогтоолын төслүүдийг батлав 2022.12.09
“Тэс Петролиум” ХХК-ийн шатахууны нөөц агуулахад гарсан галыг бүрэн унтраалаа 2022.12.02
"Дархан- Эмпати” сургуулийн сурагчдыг Төрийн ордонтой танилцууллаа 2022.11.30
Хүүхдийн тасагт оношилгооны аппаратууд болон эм тариаг гардууллаа 2022.11.29
Иргэд, сонгогчидтойгоо ээлжит уулзалтуудаа хийн тайлан тавьж, санал хүсэлтийг нь сонслоо 2022.11.23
Дархан-Уул аймгийн бүх сумдын иргэдтэй уулзлаа 2022.11.21
Аавынхаа нэрэмжит "ЗАЛУУЧУУДЫН УЛСЫН АВАРГА" шалгаруулах бөхийн тэмцээнийг нээлээ 2022.11.21
Хонгор суманд ажиллаж, ирэх онд хийж хэрэгжүүлэх ажлуудаас танилцууллаа 2022.11.21
2023 онд Дархан суманд улсын төсвийн 82 тэрбум төгрөгийн бүтээн байгуулалтын ажил хийгдэнэ 2022.11.19
Шарын гол суманд ажиллав 2022.11.18
Г.Дамдинням: Газрын маргаантай холбоотой асуудал энэ хуулиар цэгцрэх үү 2022.11.17
Үндэсний шигшээ баг болон ивээн тэтгэгчид арын албаныханд баярлалаа 2022.11.15