2025.05.16
Орон нутгийн хөгжил
Б.Баярбаатар: Хангайн бүсийн зөвлөгөөнөөр хууль тогтоомжийн хэрэгжилтийг сайжруулах чиглэлээр олон санал санаачилга гарлаа
“Бүсчилсэн хөгжил- Төрийн албаны манлайлал” хангайн бүсийн зөвлөгөөн Өвөрхангай аймгийн Арвайхээр хотод боллоо. Хангайн бүсийн 17000 гаруй төрийн албан хаагчийг төлөөлж Өвөрхангай, Архангай, Баянхонгор аймгийн 520 төрийн албан хаагч оролцсон юм.
УИХ-ын гишүүн, Ёс зүй, дэгийн байнгын хорооны дарга Б.Баярбаатар, “Төрийн албан хаагчийн ёс зүйн манлайлал” сэдвээр илтгэл тавилаа. Энэхүү зөвлөгөөнд оролцогчид төрийн албаны хууль тогтоомж, ёс зүй, манлайлал, үнэт зүйл – төлөвшил, дижитал төр буюу технологийн шийдэл зэрэг сэдвээр илтгэл тавин хэлэлцүүлэг өрнүүллээ. Энэ үеэр хууль тогтоомжийн хэрэгжилтийг сайжруулах чиглэлээр олон санал санаачилга гарсныг Төрийн албаны зөвлөлөөс УИХ, Засгийн газарт уламжилж, төрийн бодлого шийдвэрт тусган хэрэгжүүлнэ.
Зөвлөгөөнд оролцогчид төрийн албан дахь улс төрийн нөлөөллийг багасгах, сум орон нутгийг намуудын анхан шатны бүтэцгүй болгох, сумын ИТХ, багийн Засаг даргын сонгуулийг өөрчлөх, төрийн байгууллага хоорондын уялдаа холбоог хангах шаардлагатай байгааг онцлон хэллээ.
