Өнөөдөр (2022.09.29)-нд МҮЭ-ийн холбооны Ерөнхийлөгчөөр ахлуулсан ажлын хэсгийн гишүүд Говь-Алтай Аймагт ажиллаж байна.

Энэ хүрээнд тус Аймгийн Засаг Даргын орлогч Г.Чинбаттай уулзаж Говь-Алтай аймгийн иргэд хөдөлмөрчдийн өмнө тулгамдаж буй асуудлын хүрээнд санал солилцлоо.

Уулзалтын эхэнд Аймгийн Засаг Даргын орлогч Г.Чинбат МҮЭ-ийн холбооны Ерөнхийлөгчөөр ахлуулсан ажлын хэсгийн гишүүд Говь-Алтай аймагт ажиллаж байгаад талархал илэрхийлж, Аймгийн Засаг Даргын Тамгын Газраас хийж хэрэгжүүлж байгаа ажлаа танилцууллаа.

Тэрээр аймагтаа аялал жуучлал, газар тариалан, эрчимжсэн мал аж ахуй хөгжүүлэх, бэлчээрийн доройтол цөлжилтийн эсрэг авч хэрэгжүүлж байгаа ажил болон сумдын 100 жилийн ойг угтсан орон сууц хөтөлбөр, хос бичиг нэвтрүүлэлт, ЕБС-ын сурагчдын сурч хөгжих нөхцөлийг дээшлүүлэхээр ажиллаж байгаа талаар хэлэв. Түүнчлэн Төрийн захиргааны албан хаагчдын цалин 600 мянган төгрөг байгаа нь залуу боловсон хүчин сум орон нутагтаа ажиллаж, хөгжих амьдрах нөхцөл боломжийг хаагдуулж байгааг онцолж байлаа.

Хариуд нь МҮЭ-ийн холбооны Ерөнхийлөгч С.Эрдэнэбат тус аймагт нийгмийн түншлэлийг бэхжүүлж иргэд хөдөлмөрчдийнхөө санал хүсэлтийг сонсож харилцан зөвшилцөж ажиллахыг хүслээ. Учир нь Төрийн албан хаагчид, төрийн захиргааны албан хаагчдын цалин хөлс орлого нэмэгдээгүй. 2023 оны улсын төсөв батлагдахаас өмнө аймгийнхаа төсвийг бататгаж, төрийн үйлчилгээний 1-3 дугаар шатлалын ажилтнуудын цалин хөлсийг тусгах, малчдын Нийгмийн даатгалд хамруулах тэдний ХАБЭА анхаарч ажиллахыг хүслээ.

Уулзалтад МҮЭ-ийн холбооны Ерөнхийлөгч С.Эрдэнэбат, Говь-Алтай Аймгийн ҮЭ-ийн холбооны дарга Л.Сумаахүү, Говь-Алтай Аймгийн Засаг Даргын орлогч Г.Чинбат, АЗДТГ-ын Нийгмийн бодлогын хэлтсийн дарга С.Мөнхжаргал, Хөгжлийн бодлого, төлөвлөлт хөрөнгө оруулалтын хэлтсийн дарга Г.Хурцгэрэл, Төрийн Захиргаа Удирдлагын Газрын Дарга П.Хулан, МБШУ-ны ҮЭ-ийн холбооны дарга З.Цогтгэрэл, МЭМАҮЭ-ийн холбооны дарга Ч.Нарантуяа, МААХҮЭ-ийн холбооны дарга М.Алтанцэцэг, МОСНААҮАҮЭ-ийн холбооны дарга Б.Жавзандулам, МҮЭ-ийн холбооны ҮҮТ-үүдийн захирал Н.Энхманлай, "Сонгино амралт"-ын захирал Ч.Сугардорж, ҮЭ-ийн гишүүнчлэл зохион байгуулалтын газрын дарга С.Өнөрбилэг, Хүний эрх хуулийн газрын даргын түр орлон  орлон гүйцэтгэгч М.Саранцацралт, референт Б.Золбаяр нар оролцлоо.