2022.05.17

УИХ-ын гишүүн Х.Болорчулуун Дорнод аймагт ажиллалаа

УИХ-ын гишүүн Х.Болорчулуун Барилга, хот байгуулалтын сайд Б.Мөнхбаатарын хамт аймагтаа ажиллалаа.

Энэ хүрээнд аймгийн ГХБХБГ, Дорнод НАА ОНӨААТҮГ-ын удирдлага, албан хаагчидтай уулзаж, хөрөнгө оруулалтыг дэс дараалан эрэмбэлж, үе шаттайгаар төсөвт хуваарилан шийдвэрлэх талаар ярилцлаа. Үүний тулд Техник, Эдийн засгийн үндэслэлээ нарийвчлан боловсруулах шаардлагатай байгаа ба Яамны мэргэжлийн хүмүүс туслаж, энэ оны 7-р сард багтааж дуусган ирэх жилийн төсвөөс хөрөнгө оруулалт татаж эхлэхээр боллоо.

 Хоёр жил гаруй үргэлжилсэн хорио цээрийн дэглэмийн дараах анхны уулзалтаа  Хэрлэн сумын иргэдтэй зохион байгуулав. УИХ-аас баталсан хууль тогтоомж, Байгаль орчин, Хүнс, ХАА-н байнгын хорооны үйл ажиллагаа, Дорнод аймагт хэрэгжүүлэхээр Улсын төсвийн хуульд тусган шийдвэрлэсэн хөрөнгө оруулалтын ажлуудаас танилцууллаа. Иргэдийн зүгээс цалин хөлс, хөдөлмөрийн үнэлэмж, хариуцлагагүй уул уурхай, байгаль орчны бохирдол, бэлчээрийн доройтол, нийгмийн халамж, орон нутгийн хөрөнгө оруулалт гээд төрөл бүрийн сэдвээр асуулт хариулт өрнүүлж, санал бодлоо хэлэлцсэн юм.

 Уулзалтын үеэр ахмадуудаас ирүүлсэн саналын дагуу  аймгийн ХХҮГ-ын харьяа Ахмадын сувиллын үйл ажиллагаатай  танилцлаа. Уг барилгын насжилт хэтэрч, ашиглалтын шаардлага хангахгүй болсон тул сувиллын барилгыг шинэчлэх асуудлаар ХХҮГ-ын удирдлагуудтай санал солилцов.