Израиль бүсгүйчүүд цэрэгт тэнцэхгүй бол шившиг гэж үздэг
- Хамгийн сайхан нь цэр¬гээс халагдсаны дараа ха¬г¬ас жилээс нэг жилийн хугацаанд Таиланд, Америкт амардаг.
- Мөн нэг жилийг дээд сур¬гуулийн элсэх шалгалтад /психометр/ бэлдэж өнгө¬рөө¬нө. Иймээс энд голдуу 25-30 насандаа дээд сургуульд сурдаг.
- Онцлог нь Израилийн хүүхнүүд бусад орныхоос ялгаатай нь хувцасны моод энэ тэр гэж гүйдэггүй, энгийн, эвтэйхэн хувцасладаг.
Израилийн эмэгтэйчүүд эрчүүдтэй адил армид алба хашдагийг бүгд мэдэх байх. Тэд яг л эрчүүд шиг автомат үүрэн, нуувч ухаж, мөлхдөг.
Цэрэгт явахаас татгалзаж болохгүй, буруугаар ойлгоно. Хэрэв эрүүл мэндийн байдлаар эр хүнийг байтугай бүсгүйг цэрэгт аваагүй бол гэр бүлийн шившиг гэж үздэг. Эрчүүд гурван жил, бүсгүйчүүд хоёр жил алба хаадаг.Израильд цэрэг хүнийг баатар гэж тооцдог. Иймээс бүгд л армид алба хаахыг мөрөөдөн, цэрэгт татагдах өдрөө тэсэн ядан хүлээдэг аж. Израильчууд дунд сургуулиа төгсөөд л цэрэгт явдаг. Дараа нь цэргийн казармад өнгөрөөсөн он жилүүдээ хамгийн сайхан гэж дурсацгаадаг.
Израилийн цэргүүд цалин авахаас гадна эцэг эхэд нь тэтгэмж олгодог. Сонирхолтой нь энэ улсын бүх хотод цэргийн гуанз бий. Ангиас гадуур яваа цэргүүд энд үнэ төлбөргүй хооллодог. Цэргүүдийг өөр газарт хооллохыг хатуу хориглодог ба зоогийн газарт хоол идсэн цэрэг шууд шоронд суудаг. Учир нь Израилийн эрх баригчид цэргүүдийг нь хордуулахаас болгоомжилдог аж.
Охид бүсгүйчүүд, мөн эрчүүд цэргийн алба хаасан л бол бүх хаалга нээлттэй. Их, дээд сургуульд элсэх, ажилд орох гээд л. Цэргийн алба хаах хугацаанд долоо хоногт нэг удаа гэртээ харьдаг.
Эмэгтэйчүүд маш хүнд автоматаа гараасаа ч тавьж болохгүй, жорлонд ч авч ордог. Алдвал шоронд сууна. Израилийн бүсгүйчүүд халуун наранд элсэн цөлд автоматаа үүрэн гүйхдээ тэсгэл алдан ээж рүүгээ утастаж уйлах тохиолдол бий. Гэхдээ хэнд ч хаяад явна гэсэн ойлголт байхгүй, эх оронч үзэл тэгтлээ шингэсэн байдаг.
Хамгийн сайхан нь цэргээс халагдсаны дараа хагас жилээс нэг жилийн хугацаанд Таиланд, Америкт амардаг. Амарч ирсний дараа хоёр жил ажиллаж, дээд сургуулийн төлбөрөө олох ёстой.
Мөн нэг жилийг дээд сургуулийн элсэх шалгалтад /психометр/ бэлдэж өнгөрөөнө. Иймээс энд голдуу 25-30 насандаа дээд сургуульд сурдаг. Тэгээд 30 наснаас хойш гэр бүл зохиож эхэлнэ. Гэхдээ орчин үед ихэнх эмэгтэйчүүд хэсэг хугацаанд өөрийн эрхээр амьдрахыг хүсдэг болсон гэнэ.
Онцлог нь Израилийн хүүхнүүд бусад орныхоос ялгаатай нь хувцасны моод энэ тэр гэж гүйдэггүй, энгийн, эвтэйхэн хувцасладаг. Гэхдээ хайш яйш гэж хэлж боломгүй. Өөр нэг дүрэм гэвэл өдөр хавтгай ултай гутал ботинк углаж, өндөр өсгийтийг зөвхөн үдэш өмсөнө. Израильчуудын өөр нэг онцлог бол хувцсаа индүүднэ гэж байхгүй. Ихэнх айл индүүгүй. Угаагаад л өмсдөг.
Израиль хүүхнүүд том бөгөөд гоё хөхтэй. Учир нь охидынхоо 18 насны ойгоор силикон хөх бэлэглэдэг заншил Израилийн гэр бүлд тогтжээ.
